Kuri uyu wa 31 Gicurasi 2025 mu Karere hakozwe Umuganda rusange usoza ukwezi. Abadepite bari mu Karere, Abakozi ba RICA, Irembo n'abandi bifatanyije n'Ubuyobozi bw'Akarere n'abaturage b'Umurenge wa Fumbwe mu bikorwa byo gutunganya ibilometero 3.5 by'Umuhanda Nyagasambu- Nyarubuye.

Abitabiriye Umuganda bakanguriwe gukora cyane bakikura mu bucyene kandi bakirinda ibikurura ubukene birimo: ubusinzi, ubunebwe, gusesagura, amakimbirane, ubuharike, guta ishuri kw’abana, kutazigama, kutita ku mirire n’imikurire y‘abana n‘ibindi,   bakangurirwa kwimakaza isuku hose, kurwanya ikoreshwa ry'ibiyobyabwenge no kwirinda malaria

Abaturage basabwe ubufatanye mu gukumira, kureka burundu ikorwa, itumizwa mu mahanga, ikoreshwa n’icuruzwa ry’amasashe n’ibikoresho bikozwe muri pulasitiki bikoreshwa inshuro imwe.

Abadepite bitabiriye Umuganda kandi bagiranye ibiganiro n'abaturage ku ngingo zijyanye n'ubumwe n'ubudaheranwa bw'Abanyarwanda, gukemura amakimbirane, imitangire ya serivise ndetse n'inshingano mboneragihugu Abanyarwanda basangiye mu iterambere ry'Igihugu, bakira banafatanya n'Ubuyobozi gukemura ibibazo by'abaturage bagejejweho.

Muri uyu muganda abaturage bakanguriwe gukoresha serivise z'Irembo no kudatanga amafaranga ataragenwe kuri serivise baka, mu bukangurambaga bwa #Ntuyarenze .