Kuri uyu wa 05 Ugushyingo 2025 Umuyobozi w'Akarere Mbonyumuvunyi Radjab n'abandi bayobozi bakiriye itsinda ry'abadepite bagize Komisiyo y'Ububanyi n'amahanga, Ubutwererane n'Umutekano,  riyobowe na Hon. Uwingabe Solange baje gusesengura ibibazo by'ubujura n'ubucukuzi bw'amabuye y'agaciro butemewe bibangamira umutekano.

Imirenge 13/14 mu Karere icukurwamo amabuye y'agaciro ya cassiterite(tin), coltan (tantalum) na wolfram  (tungesten) bukorwa na kampani 12 zifite  ibyangombwa. Kuva mu kwezi kw'Ukwakira 2024 kugeza Ukwakira 2025 izi kampani zohereje toni 1,103.530 ku isoko ry'amabuye y'agaciro.

Aba badepite basuye ikirombe gicukurwamo amabuye y'agaciro na Trinity Metals Ltd mu Murenge wa Mwulire banaganira n'abayobozi b'inzego z'ibanze, abikorera n'abafite umutekano mu nshingano bo muri uyu Murenge. Abayobozi bashimye uburyo ubucukuzi bw'amabuye y'agaciro bukorwamo n'uburyo abacukuzi basubiranya ibirombe byacukuwe hakanaterwa ibiti mu rwego rwo kubungabunga ibidukikije no gukumira impanuka. Abadepite kandi bashimye umusaruro w'ubukangurambaga bw'Umudugudu utarangwamo icyaha n'uruhare gahunda zihariye zashyizweho mu midugudu zigira ku mutekano