Abahinzi barakangurirwa kubikora by'umwuga bakongera umusaruro
Kuri uyu wa 31Werurwe 2026 mu Karere hateranye inama nyunguranabitekerezo y’ubuhinzi n’ubworozi, igamije kurebera hamwe ingamba zo kuzamura umusaruro mu Karere n'uburyo bwo gukoresha ingufu zisubira mu buhinzi n'ubworozi bigateza imbere ababukora.
Guverineri w'Intara Pudence RUBINGISA yasabye ko iyi nama yaba umwanya wo kurebera hamwe niba imirimo y'ubuhinzi n'inyongeramusaruro zishyirwamo bitanga umusaruro wifuzwa; abahinzi bakigira ku babigezeho kugira ngo ibyanya-bigega bitange nibura toni 6/ha ahatuhirwa na t. 10/ha ahuhirwa.
Umuyobozi w'Akarere wungirije ushinzwe iterambere ry'ubukungu Bwana Richards Kagabo Rwamunono yashimiye abafatanyabikorwa mu buhinzi n'abahinzi ku ruhare bagira mu kongera umusaruro, anasaba ko intambwe igezweho yakongerwa kugira ngo tugere ku ntego. Mu Karere, ubutaka buhingwa ku buso buhuje busaga ha 18,000 mu gihe hamaze gutunganywa ibyanya-bigega 77.