Kuri uyu wa 04 Kamena 2025 abakozi bashinzwe imicungire y'ubutaka n'imiturire bagejejweho politike y'imitunganyirize y'imijyi nshya ya 2025 banahugurirwa sisiteme y'ikoranabuhanga ya "Kubaka" igamije gufasha abakeneye serivise z'ibyangombwa byo kubaka no kuborohereza uburyo bazibonamo.

Umuyobozi w'Akarere wungirije ushinzwe iterambere ry'ubukungu Richards Kagabo Rwamunono yasabye abafite imicungire y'ubutaka n'imiturire mu nshingano gukumira imyubakire y'akajagari no gukangurira abaturage kubaka ku butaka bwabugenewe; hirindwa ku butaka bugenewe guhingwaho ibitunga abaturage kandi bubahiriza igishushanyo mbonera cy'imikoreshereze y'ubutaka.