Kuri uyu 01 Nzeli 2025 mu Karere habaye amatora ya Komite y’Ihuriro ry’Abana ku rwego rw'Akarere, yitabiriwe n'abana bahagarariye abandi bari hagati y'imyaka 6 na 17 batowe mu Mirenge. Ni amatora yakurikiranywe n'Umuyobozi w'Akarere wungirije ushinzwe imibereho myiza Mme Umutoni Jeanne .

Komite y'Ihuriro ry'Abana yatowe ku rwego rw'Akarere igizwe na Perezida Mwiza Isaro Ruvusha, Visi Perezida Munezero Obed, Umunyamabanga: Ishimwe Hervé,Abajyanama 2 batowe ni Atete Kwizera Belinda na Ndizeye Jimmy naho Uhagarariye abana bafite ubumuga hatorwa Ihimbazwe Intime Content.

Visimeya ushinzwe imibereho myiza yashimiye abana bitabiriye amatora n'ababyeyi babohereje, yizeza abana ko Ubuyobozi bw'Akarere buzakomeza kubashyigikira muri gahunda zigamije kurengera umwana no guharanira iterambere ry'abana muri rusange n'uburenganzira bwabo.