Nyuma yo gutangiza gahunda igamije guteza imbere impano z'abana bakina umupira w'amaguru; bafite imyaka 7-16, kuri uyu wa 05Kanama 2025 mu Karere hatangiye imikino y'Irushanwa ry'URUBUTO Community Youth Football Championship2025 ryateguwe ku bufatanye na Imizi Football Alliance, Ishyirahamwe ry'abahoze ari abakinnyi b'ikipe y'Igihugu Amavubi-FAPA Rwanda n'abandi bafatanyabikorwa.

Muri iri rushanwa, amarerero 20 y'abana bafite impano zo gukina umupira w'amaguru ari hirya no hino mu Karere azarushanwa; abakobwa n'abahungu mu byiciro by'imyaka itandukanye birimo abatarengeje imyaka 10, 13 na 16.