Kuri uyu wa 15/07/2025 Umuyobozi w'Akarere Mbonyumuvunyi Radjab yayoboye inama n’abayobozi b’inganda zikorera mu Cyanya cy’Inganda cya Rwamagana kiri mu Murenge wa Mwulire, hagamijwe gutangiza ubukangurambaga bwo guhanga umurimo no kurushaho kuwunoza bigamije iterambere.

Mu butumwa bwahatangiwe hagarutswe ku ruhare rw'inganda mu guteza imbere no kuzamura imibereho myiza y'abaturage, by'umwihariko imirenge ituriye icyanya cy'inganda, umutekano n'isuku  no gucunga neza ibikorwaremezo biri mu cyanya cy'inganda.

Ibyifizo n'ibitekerezo bitandukanye byagarutse ku ngingo zirimo; gutanga akazi no bakagenerwa amahugurwa, guhembera abakozi ku gihe kandi bakagira amasezerano y’akazi, gufatanya n’Umurenge kubungabunga umutekano hashakwa abarinzi bakurikirana umutekano ku manywa na nijoro, kwita ku isuku yo mu nganda imbere nahakikije inganda no gushishikariza abakozi kwizigama haba muri Ejo heza cyangwa mu bundi buryo.

Umuyobozi w’Akarere yashimye uruhare abanyenganda bagira mu bikorwa bitandukanye n’uburyo bafatanya n’Ubuyobozi bw’Akarere mu guteza imbere imibereho myiza y’abaturage.