Kuri uyu wa 09/3/2025 Ubuyobozi bw’Akarere n'abafatanyabikorwa bakiriye banaganiriza Urubyiruko rw'abagera kuri 201 barangije amasomo y'igororamuco n'ubumenyingiro mu Bigo Ngororamuco bya Iwawa, Nyamagabe na Gitagata bakomoka i Rwamagana,  banahabwa ibikoresho bizabafasha kwihangira imirimo.

Aba barangije amasomo y'igororamuco n'ubumenyingiro, basubiye mu miryango biyemeje kuba "Imboni z'Impinduka" no gukora bakiteza imbere; bagafatanya n'abandi kubaka Igihugu kizira ubuzererezi, ibiyobyabwenge n'indi myitwarire ibangamiye Umuryango nyarwanda.

Umuyobozi w'Akarere Bwana Mbonyumuvunyi Radjab yasabye ababyeyi kwakira neza uru urubyiruko kuko rwahindutse no kubashyigikira mu migambi mishya bafite yo kwiteza imbere no kubaka Igihugu, anasaba uru rubyiruko kwitabira umurimo no kugaragaza aho bagiye mu muryango koko ko ari "Imboni z'Impinduka"