Kuri uyu wa 14 Gicurasi 2025Umuyobozi w'Akarere wungirije ushinzwe iterambere ry'ubukungu Richards Kagabo Rwamunono yayoboye inama ngishwanama ku misoro (TAC) ,yateguwe ku bufatanye n'Ishami ry'Ikigo cy'Igihugu cy'Imisoro (RRA) mu Karere,hagamijwe kurebera hamwe aho umuhigo wo kwinjiza imisoro ugeze muri uyu mwaka 2024/25, ibirarane by'imisoro ndetse n'ingamba zo kubyishyuza.

Abitabiriye inama basabwe gukangurira abasora kuzirikana akamaro k'imisoro n'amahoro batanga mu kubaka Igihugu no kubaka ibikorwa remezo bibafasha mu iterambere bityo bagasorera ku gihe kandi bakirinda ubukererwe n'ibirarane.

Mu mwaka wa 2024/2025 Akarere kahize kwinjiza imisoro ingana na FRW 2,787,488,703 ikaba imaze kwinjizwa ku kigero cya 82% kugeza muri iki gihembwe cya Q4 cy'umwaka w'Imihigo 2024/2025. Kugeza ubu hamaze kubarurwa ibirarane bingana na FRW 928,321,698. Mu kwezi kwa Mata 2025 hishyuwe ibirarane bingana na FRW 118,590,908