Kuri uyu wa 14 Kanama 2025 Umuyobozi w'Akarere wungirije ushinzwe Iterambere ry'Ubukungu Bwana Richards Kagabo Rwamunono yayoboye inama nyunguranbitekerezo yahuje abaveterineri bikorera mu Karere ka Rwamagana muri gahunda ya Veterinary Sanitary Mandate (VSM).

Muri iyi nama haganiriwe kuri gahunda ku ishyirwamubikorwa rya gahunda ya  leta yo kwegurira abaveterineri bikorera service zihabwa aborozi, basabwa gutanga serivise inoze no guharanira guteza imbere ubworozi.

Abaveterineri bikorera biyemeje imikoranire n'Ubuyobozi bw'Akarere muri gahunda yo kwesa imihigo y'ubworozi y'Akarere.