Kuri uyu wa 03Nzeli 2025 Umuyobozi w'Akarere Bwana Mbonyumuvunyi Radjab ari kumwe n'Umuyobozi w'Akarere wungirije ushinzwe imibereho myiza yayoboye inama y'uburezi n'abafite uburezi mu nshingano hamwe n'abayobozi b'amashuri, bari kurebera hamwe imitsindire y'abanyeshuri mu bizamini by'umwaka 2024/25, gahunda yo kugaburira abanyeshuri, impinduka mu burezi n'imyiteguro y'itangira ry'amashuri.

Umuyobozi w'Akarere yashimiye abayobozi b'ibigo by'amashuri byahize ibindi gutsindisha neza mu bizamini bya Leta, asaba abataratsindishije neza guhindura imikorere bagafata urugero rw'abakora neza, gukorana n'ababyeyi b'abanyeshuri no kurushaho kwita ku banyeshuri.

Abitabiriye inama basabwe kwitegura neza itangira ry'amashuri; kunoza isuku mu bigo by'amashuri, kwihutisha gahunda yo kugura ibiribwa n'inkwi bizakenerwa mu kugaburira abanyeshuri, gukora inama n'abarimu kandi hakazakorwa ubugenzuzi harebwa ishyirwamubikorwa ry'ibyasabwe.