Ku gicamunsi cyo kuri uyu wa 29 Nyakanga 2025 mu Mirenge yose y'Akarere hateranye inteko rusange z'abaturage. Umuyobozi w'Akarere Mbonyumuvunyi Radjab ari kumwe n'abandi bayobozi bifatanyije n'abaturage b'Umurenge wa Munyaga mu nteko rusange z'abaturage zateraniye mu Kagari ka Rweru.

Muri izi nteko abaturage bakanguriwe kugira uruhare mu kwicungira umutekano no gufatanya n'inzego z'Ubuyobozi n'iz'umutekano mu gukumira ibyaha n'ibihungabanya umutekano, kubungabunga ubuzima bwiza no kwirinda ibisindisha n'ibinyobwa bitujuje ubuziranenge, kwishyura umusanzu w'ubwisungane mu kwivuza na Ejo Heza by'umwaka 2025/2026 n'ababyeyi bafite abana bari mu biruhuko basabwa kubashishikariza no kuborohereza kwitabira gahunda y'intore mu biruhuko.

Abaturage bitabiriye inteko bagejejweho gahunda y'imishinga yo kongera no kwegereza amashanyarazi iri mu Karere ikazanagera no muri uyu Murenge wa Munyaga. Muri izi nteko abaturage bagejeje ku bayobozi ibyifuzo n'ibibazo bafite bafatanya n'abayobozi kubikemura.