Kuri uyu wa 29 Gicurasi 2025 ushinzwe imibereho myiza Mme Umutoni Jeanne yifatanyije n'Ikigo cy'Igihugu cy'Ubuzima - RBC, SFH Rwanda n'abandi bafatanyabikorwa mu muhango wo gutangiza Umushinga w'Umujyanama w'Ubuzima mu Ikoranabuhanga, ugamije kongerera ubushobozi abajyanama b’ubuzima no kubafasha gutanga serivisi inoze kandi yihuse hifashishijwe ikoranabuhanga ry’ubwenge bukorano (AI), hagamijwe guteza imbere no kwihutisha serivise z'ubuzima.

Uyu mushinga watangiye kugeragezwa mu 2024, witezweho kugabanya ikiguzi n’umwanya byakoreshwaga mu mahugurwa y’imbonankubone y’abajyanama b’ubuzima. Uzafasha kandi Umujyanama w’ubuzima kuvura umurwayi hagendewe ku mwihariko w’indwara ziganje mu gace runaka umurwayi atuyemo.