Kuri uyu wa 14Ukwakira Abaturage bateraniye mu nteko z'abaturage zahujwe no kwakira ibyifuzo by'abaturage bizashingirwaho mu igenamigambi rya  2026/2027. Umuyobozi w'Akarere wungirije ushinzwe imibereho myiza Mme Umutoni Jeanne yifatanyije n'abatuye Akagari ka Gishore ko mu Murenge wa Nyakariro ahanatangirijwe iyi gahunda.

Muri izi nteko z'abaturage basobanuriwe uruhare rwabo mu igenamigambi, uko imishinga batanze mu igenamigambi ry'imyaka yashize yitaweho n'impamvu hari ibitarashyirwa mu bikorwa ndetse banatora imishinga y'umwaka 2026/2027.

Muri izi nteko z'abaturage kandi abafite ibyifuzo n'ibibazo babigejeje ku bayobozi banafatanya kubikemura.