Kuri uyu wa 23/5/2025 mu Karere hatangijwe imirimo y'abakatiwe igihano cyo gukora imirimo y'inyungu rusange bagera ku 144. Umuyobozi w'Akarere Bwana Mbonyumuvunyi Radjab n'abandi bayobozi bifatanyije n'abaturage b'Akagari ka Kanyangese n'abakatiwe iki gihano 22 mu Murenge wa Karenge, batunganya imihanda muri site y'imiturire mu Mudugudu wa Kanyangese.

Abari gukora igihano cy'imirimo y'inyungu rusange basabwe kurangwa n'imyitwarire myiza no gukora neza igihano cy'inyungu rusange, kubahiriza neza gahunda yahawe n'Ubuyobozi bw'Akarere cyangwa ubwa RCS no kwitabira inteko rusange z'abaturage, gahunda z'amasomo y'uburere mboneragihugu n'ibindi bikorwa by'Umudugudu n'Akagari atuyemo.

Abaturage kandi basabwe kwakira aba bari gukora igihano cy'imirimo y'inyungu rusange, kubafata nk'abaturanyi no kwirinda kubabwira amagambo mabi abaca intege.