Kuri uyu wa 10Ukuboza 2025 Umuyobozi w'Akarere wungirije ushinzwe imibereho myiza Mme Umutoni Jeanne yakiriye itsinda ry'abayobozi n'abakozi  bo mu turere twa Nyanza, Rutsiro, Ngoma na Burera baje kureba no kwigiranaho uburyo Akarere gakoresha mu kwesa Imihigo n'uburyo ikoranabuhanga rikoreshwa mu gukurikirana Imihigo n'ibikorwa by'Akarere.

Abashyitsi basobanuriwe imikorere y'Icyumba nkusanyamakuru ku mihigo n'ibindi bikorwa by'Akarere(DIC),uburyo bwo gukurikirana Imihigo hakoreshejwe Imihigo Barometer na Rwamagana Tumugereho App ikoreshwa mu gukurikirana icyemurwa ry'ibibazo bibangamiye imibereho myiza y'abaturage.