Kuri jyu wa 28/02/2025 Inama Njyanama y'Akarere yateranye mu nama idasanzwe, iyobowe na Perezida w'Inama Njyanama Dr. Rangira Lambert , yiga ku ngingo zirimo gusuzuma no kwemeza ingengo y'imari ivuguruye y'umwaka 2024/2025 n'Umushinga RUEAP wo kwagura umuyoboro w'amashanyarazi mu nyungu rusange mu Mirenge 8 y'Akarere.

Inama Njyanama y'Akarere yemeje ingengo y'imari ivuguruye y'umwaka 2024/25 ya FRW 34,752,691,787 ivuye kuri FRW33,586,953,773 yari yatowe, ikaba yiyongereye ku kigero cya 3%, ibipimo by'imisoro n'amahoro bivuguruye byo mu mwaka wa 2024/25 na gahunda ivuguruye y'amasoko 72.

Inama Njyanama y'Akarere kandi yemeje Umushinga wo kwagura Umuyoboro w'amashanyarazi mu nyungu rusange mu Mirenge ya Fumbwe, Musha, Munyiginya,Gishari, Muhazi, Kigabiro,Rubona na Nzige nk'uw'inyungu rusange.