Kuri uyu wa 4 Kamena 2025Umuyobozi w'Akarere wungirije ushinzwe iterambere ry'ubukungu Richards Kagabo Rwamunono yayoboye inama n'abafatanyabikorwa mu kugeza ku baturage serivise z'amazi, isuku n'isukura, barebera hamwe ibyagezweho mu kwegereza abaturage serivise z'amazi, isuku n'isukura mu mwaka 2024/2025, gahunda yo kubungabunga imiyoboro y'amazi n'amavomo, imbogamizi n'ingamba na gahunda y'ibikorwa mu mwaka 2025/2026.

Mu Karere abaturage 445,360 kuri  484,953 batuye Akarere ka Rwamagana bagerwaho n'amazi meza. Uruganda rutunganya amazi rwa Karenge rutanga amazi angana na metero kibe 12,000 buri munsi agasaranganywa mu bice bitandukanye by'Akarere rwitezweho kongererwa ubushobozi rugatanga metero kibe 48,000 ku munsi ari na bwo ruzakemura ikibazo cy'amazi akiri macye nubwo rwunganirwaga n'indi miyoboro y'abafatanyabikorwa mu gutanga serivise z'amazi, isuku n'isukura mu Karere.