Kuri uyu wa 29/10/2025 abagize Ihuriro ry'Abafatanyabikorwa b'Akarere mu iterambere (JADF) bateraniye mu nama y'inteko rusange y'iri huriro iri kurebera hamwe ishyirwamubikorwa ry'Imihigo y'Akarere y'umwaka 2025/2026 , raporo za komisiyo na komite ngenzuzi na gahunda y'ibikorwa by'Ihuriro mu mwaka 2025/2026. Iyi nama yari iyobowe n'Umuyobozi w'Akarere wungirije ushinzwe iterambere ry'ubukungu ari kumwe na Perezida w'Ihuriro ry'Abafatanyabikorwa b'Akarere mu iterambere Bwana Uwayezu Valens.

Umuyobozi w'Akarere wungirije ushinzwe iterambere ry'ubukungu Bwana Richards Kagabo Rwamunono yashimiye abafatanyabikorwa ku ruhare bagira mu iterambere ry'Akarere no gufatanya n'Akarere mu guteza imbere imibereho y'abaturage. Muri uyu mwaka 2025/2026 iri huriro rizunganira ingengo y'imari y'Akarere ku kigero cya 21% ni ukuvuga miliyari zisaga 9.7FRW.