Ku mugoroba wo kuri uyu wa 27 Gicurasi 2025 Umuyobozi w'Akarere Bwana Mbonyumuvunyi Radjab ari kumwe n'abandi bayobozi batashye ku mugaragaro inzu yubakiwe Mukakibibi Peline warokotse Jenoside yakorewe Abatutsi, wubakiwe mu Kagari ka Mabare, ho mu Murenge wa Rubona.

Mu mwaka w'Imihigo 2024/2025 Akarere kubakiye abatishoboye barokotse Jenoside yakorewe Abatutsi inzu 15 ari na zo zatashywe ku mugaragaro ku munsi wa none muri rusange. Ni umuhigo weshejwe ku bufatanye na Minisiteri y'Ubumwe bw'Abanyarwanda n'Inshingano Mboneragihugu n'abandi bafatanyabikorwa.

Umuyobozi w'Akarere yashimiye abaturanyi ba Mukakibibi Peline baje kwifatanya na we ku munsi wo kwishimira inzu yubakiwe nyuma y'igihe acumbika anasaba uyu wahawe inzu kuyifata neza nk'iye kuko ari yo yubakiwe n'ubuyobozi bwiza burangajwe imbere na Nyakubahwa Paul Kagame uzirikana no guteza imbere imibereho myiza y'abatishoboye; bakabaho batekanye kandi bakaba aheza.