Kuri uyu wa 14/4/2025 Senateri Hon. Kanziza Epiphanie, abayobozi b'inzego z'umutekano mu Karere, Umuyobozi w'Akarere wungirije ushinzwe imibereho myiza mu Karere ka Ngoma n'abandi bayobozi bifatanyije n'Ubuyobozi bw'Akarere, Inzego za Ibuka mu Karere ka Rwamagana n'abaturage b'Umurenge wa Munyiginya mu gikorwa cyo Kwibuka ku nshuro ya 31 Jenoside yakorewe Abatutsi ahazwi nko kuri SAYI, Munyiginya.

Abitabiriye iki gikorwa cyo Kwibuka Jenoside yakorewe Abatutsi bagejejweho ubuhamya n'ikiganiro n'ubutumwa bujyanye n'iyi gahunda; basobanurirwa amateka y'ubumwe bw'abanyarwanda n'uburyo bwangijwe na politike y'amacakubiri yageje Abanyarwanda kuri Jenoside yakorewe Abatutsi, igahagarikwa n'ingabo za RPA/Inkotanyi, zirangajwe imbere na Nyakubahwa Paul Kagame, basabwa guhashya ingengabitekerezo y'amacakubiri yasubiza u Rwanda mu mateka mabi ya Jenoside, kurwanya abapfobya n'abahakana Jenoside yakorewe Abatutsi no gufasha abarokotse Jenoside yakorewe Abatutsi muri gahunda yo kwibuka twiyubaka n'abafite amakuru y'ahakiri imibiri y'abazize Jenoside yakorewe Abatutsi bakayatanga kugira ngo ishyingurwe mu cyubahiro ikwiye.

Abayobozi n'abafite imiryango yiciwe aha kuri SAYI bunamiye banashyira indabo ahari amazina ya bamwe mu bo twibukaga biciwe aha kuri SAYI, bari bahahungiye bakeka ko bashobora kurindwa n'abajandarume barindaga iyi station y'amashanyarazi muri Jenoside yakorewe Abatutsi mu 1994.

Video: https://www.youtube.com/live/P12OWx0qoXQ?si=8Z4TxJEjVstsHt6a